ຈຳນວນຜູ້ເຂົ້າຊົມເວັບໄຊ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterມື້ນີ້90
mod_vvisit_counterມື້ວານນີ້211
mod_vvisit_counterອາທິດນີ້1254
mod_vvisit_counterອາທິດແລ້ວນີ້4989
mod_vvisit_counterເດືອນນີ້8393
mod_vvisit_counterເດືອນແລ້ວນີ້2658
mod_vvisit_counterລວມຈຳນວນທັງໝົດ61523
ລະບອບປະຊາທິປະໄຕປະຊາຊົນ ແລະ ການສ້າງປະຖົມປັດໄຈ ເພື່ອກ້າວຂຶ້ນສູ່ສັງຄົມນິຍົມເທື່ອລະກ້າວຢູ່ລາວ

ຄໍານໍາ

ບົນຈິດໃຈປ່ຽນແປງໃໝ່ໃນການພັດທະນາປະເທດຊາດ, ພັກເຮົາໄດ້ວາງແນວທາງສືບຕໍ່ສ້າງ

ແລະ ຂະຫຍາຍລະບອບ ປະຊາທິປະໄຕ ປະຊາຊົນ, ສ້າງປະຖົມປັດໄຈກ້າວຂຶ້ນສັງຄົມນິຍົມ

ເທື່ອລະກ້າວ. ການປັບປ່ຽນແນວທາງຈາກການດັດສ້າງ ແລະ ກໍ່ສ້າງສັງຄົມນິຍົມໂດຍກົງໃນ

ຊຸມປີທຳອິດ ຂອງການສ້າງສາປະເທດຊາດ ມາເປັນການສືບຕໍ່ສ້າງ ແລະ ຂະຫຍາຍລະບອບ

ປະຊາທິປະໄຕ ປະຊາຊົນຄືດັ່ງທີ່ກ່າວມານັ້ນເປັນຄວາມກ້າຫານປະດິດສ້າງ ຂອງພັກເຮົາໃນ

ການໝູນໃຊ້ລັດທິມາກ-ເລນິນ ເຂົ້າໃນເງື່ອນໄຂຕົວຈິງຂອງປະເທດເຮົາ; ເປັນການເລືອກເຟັ້ນ

ເສັ້ນທາງແຫ່ງການພັດທະນາປະເທດທີ່ຖືກຕ້ອງ, ສອດຄ່ອງກັບສະພາບ ແລະ ເງື່ອນໄຂຕົວ

ຈິງຂອງປະເທດຊາດ. ການປັບປ່ຽນແນວທາງດັ່ງກ່າວນັ້ນ ເປັນການປັບປ່ຽນທີ່ມີລັກສະນະ

ປະຕິວັດ ແລະ ວິທະຍາສາດ, ສະແດງເຖິງຄວາມສະດຸ້ງໄວ ແລະ ສະຫຼາດສ່ອງໃສຂອງພັກ

ເຮົາ.

ດ້ວຍການປະຕິບັດແນວທາງສືບຕໍ່ສ້າງ ແລະ ຂະຫຍາຍລະບອບ ປະຊາທິປະໄຕ ປະຊາຊົນ

ເປັນເວລາເກືອບ 30 ປີມານີ້ ໄດ້ເຮັດໃຫ້ປະເທດເຮົາມີການຂະຫຍາຍຕົວໃນທຸກດ້ານຢ່າງມີຊີ

ວິດຊີວາ ເຮັດໃຫ້ປະເທດຊາດມີຄວາມສະຫງົບ, ເສດຖະກິດສັງຄົມມີການຂະຫຍາຍຕົວຕໍ່

ເນື່ອງ, ຊີວິດການເປັນຢູ່ດ້ານວັດຖຸ ແລະ ຈິດໃຈຂອງປະຊາຊົນບັນດາເຜົ່າໄດ້ຮັບການປົວ

ແປງນັບມື້ນັບດີຂຶ້ນ; ປະເທດເຮົາມີການພົວພັນກວ້າງຂວາງກັບປະເທດຕ່າງໆໃນໂລກ

ແລະ ເຂົ້າຮ່ວມຂະບວນວິວັດແຫ່ງການເຊື່ອມໂຍງສາກົນຢ່າງເປັນເຈົ້າການ.

ປະຕິບັດຕາມຈິດໃຈມະຕິກອງປະຊຸມໃຫຍ່ ຄັ້ງທີ IX ຂອງພັກ ກ່ຽວກັບ ວຽກງານແນວຄິດທິດ

ສະດີ ທີ່ວ່າ:​ "ເພີ່ມຄວາມພະຍາຍາມ ແລະ ຄວາມສາມາດໃນການຄົ້ນຄວ້າທິດສະດີພຶດຕິກຳ ທີ່

ພົວພັນເຖິງເສັ້ນ ທາງ ແລະ ບາດກ້າວແຫ່ງການບູລະນະລະບອບ ປະຊາທິປະໄຕ ປະຊາຊົນ,

ສ້າງປະຖົມປັດໄຈ ເພື່ອກ້າວຂຶ້ນສັງຄົມນິຍົມເທື່ອລະກ້າວຢູ່ປະເທດເຮົາ", ສະຖາບັນວິທະຍາ

ສາດສັງຄົມແຫ່ງຊາດ ໄດ້ສືບຕໍ່ດຳເນີນໂຄງການຄົ້ນຄວ້າວິທະຍາສາດພາຍໃຕ້ຫົວເລື່ອງ:

"ການສືບຕໍ່ສ້າງ ແລະ ຂະຫຍາຍລະບອບ ປະຊາທິປະໄຕ ປະຊາຊົນ, ສ້າງປະຖົມປັດໄຈ

ກ້າວຂຶ້ນສັງຄົມນິຍົມເທື່ອລະກ້າວຢູ່ປະເທດເຮົາ" ຢ່າງມີຄວາມຮັບຜິດຊອບ ແລະ ໄດ້ເອົາຈິດ

ໃຈຊີ້ນຳຈຳນວນໜຶ່ງຂອງກອງປະຊຸມໃຫຍ່ ຄັ້ງທີ IX ມາເປັນບ່ອນອີງ. ໂຄງການຄົ້ນຄວ້າດັ່ງ

ກ່າວນີ້ ເປັນໜຶ່ງໃນບັນດາໂຄງການຄົ້ນຄວ້າທິດສະດີການເມືອງລະດັບຊາດທີ່ໄດ້ສຳເລັດຜົນ.

ເພື່ອເຜີຍແຜ່ຜົນສຳເລັດ ຂອງໂຄງການຄົ້ນຄວ້ານີ້ຢ່າງກວ້າງຂວາງ, ແນໃສ່ປະກອບສ່ວນສະ

ໜອງຂໍ້ມູນດ້ານທິດສະດີວິທະຍາສາດ ແກ່ການບູລະນະແນວທາງ, ນະໂຍບາຍຂອງພັກ ກໍຄື

ການສຶກສາຮຽນຮູ້ ກ່ຽວກັບ ການສ້າງ ແລະ ຂະຫຍາຍລະບອບ ປະຊາທິປະໄຕ ປະຊາຊົນຢູ່

ປະເທດເຮົາ, ສະຖາບັນວິທະຍາສາດສັງຄົມແຫ່ງຊາດ ໄດ້ເລືອກເອົາເນື້ອໃນຂອງໂຄງການ

ຄົ້ນຄວ້ານີ້ ຈັດພິມເປັນປຶ້ມຈຳໜ່າຍອອກສູ່ສັງຄົມ. ພວກຂ້າພະເຈົ້າຫວັງວ່າປຶ້ມເຫຼັ້ມນີ້ຈະເປັນ

ປະໂຫຍດສຳລັບທ່ານຜູ້ອ່ານທັງຫລາຍ.

 

ນະໂອກາດນີ້, ສະຖາບັນວິທະຍາສາດສັງຄົມແຫ່ງຊາດ ຂໍສະແດງຄວາມຮູ້ບຸນຄຸນ ແລະ ຂອບ

ໃຈມາຍັງບັນດາທ່ານການນຳຂອງພັກ ແລະ ລັດ ທີ່ໄດ້ໃຫ້ການຊີ້ນຳ ແລະ ສະໜອງຂໍ້ມູນທີ່ສຳ

ຄັນແກ່ການດຳເນີນໂຄງການຄົ້ນຄວ້ານີ້; ຂໍຂອບໃຈຕໍ່ອົງການ, ສຳນັກງານ, ສະຖາບັນຄົ້ນ

ຄວ້າຕ່າງໆຂອງສູນກາງ ແລະ ທ້ອງຖິ່ນທີ່ໄດ້ຮ່ວມມືສະໜອງຂໍ້ມູນ, ອຳນວຍຄວາມສະດວກໃນ

ການດຳເນີນໂຄງການຄົ້ນຄວ້ານີ້; ພິເສດຂໍສະແດງຄວາມຂອບໃຈ ສະຖາບັນວິທະຍາສາດສັງ

ຄົມຫວຽດນາມ ໂດຍສະເພາະຢ່າງຍິ່ງ ສະຖາບັນປັດຊະຍາ ພ້ອມດ້ວຍບັນດານັກວິທະຍາ

ສາດທັງລາວ ແລະ ຫວຽດນາມ ທີ່ໄດ້ປະກອບສ່ວນທຸ່ມເທສະຕິປັນຍາ, ເຮັດວຽກງານຢ່າງຕັ້ງ

ໜ້າ ແລະ ມີຄວາມຮັບຜິດຊອບສູງ, ເຮັດໃຫ້ໂຄງການຄົ້ນຄວ້າ ກ່ຽວກັບ ລະບອບປະຊາທິ

ປະໄຕ ປະຊາຊົນ ແລະ ການສ້າງບັນດາປະຖົມປັດໄຈ ເພື່ອກ້າວຂຶ້ນສັງຄົມນິຍົມເທື່ອລະກ້າວ

ຢູ່ລາວສຳເລັດຢ່າງຈົບງາມ.

 

ເນື່ອງໃນໂອກາດ ລະນຶກວັນສ້າງຕັ້ງພັກ ຄົບຮອບ 57 ປີ (22 ມີນາ 1955 ຫາວັນທີ

22 ມີນາ 2012) ພວກຂ້າພະເຈົ້າຂໍສະເໜີປຶ້ມເຫຼັ້ມນີ້ ຕໍ່ບັນດາທ່ານຜູ້ອ່ານ.


ອາລໍາພະບົດ

 

ພາຍຫຼັງປະເທດຊາດໄດ້ຮັບການປົດປ່ອຍຢ່າງສົມບູນ ແລະ ສະຖາປະນາສາທາລະນະລັດ

ປະຊາ​ທິ ປະໄຕ ປະຊາຊົນລາວ ຂຶ້ນໃນແຫ່ງການສ້າງປະເທດລາວ ສັນຕິພາບ ເອກະລາດ

ປະຊາທິປະໄຕ ເອກະພາບ ແລະ ວັດທະນາຖາວອນ. ປະເທດຊາດໄດ້ກ້າວເຂົ້າສູ່ໄລຍະໃໝ່

ຂອງການປະຕິວັດ, ໄລຍະແຫ່ງການປະຕິວັດສອງໜ້າທີ່ຍຸດທະສາດຄື: ການປົກປັກຮັກສາ

ແລະ ສ້າງສາປະເທດຊາດ. ບົນພື້ນຖານໜ້າທີ່ຍຸດທະສາດສອງປະການດັ່ງກ່າວນັ້ນ, ພັກ

ເຮົາໄດ້ວາງແຜນການຟື້ນຟູເສດຖະກິດ-ສັງຄົມໄລຍະ 3 ປີ (1978-1980) ແນໃສ່ຮໍາບາດ

ແຜສົງຄາມ, ເຮັດໃຫ້ຊີວິດການເປັນຢູ່ຂອງປະຊາຊົນເຂົ້າສູ່ຄວາມເປັນປົກກະຕິ. ໃນກອງ

ປະຊຸມໃຫຍ່ ຄັ້ງທີ III ຂອງພັກ (1982) ພັກໄດ້ວາງແນວທາງນໍາເອົາປະເທດຊາດ ຂ້າມ

ຜ່ານກ້າວຂຶ້ນສັງຄົມນິຍົມ, ໂດຍໄດ້ທໍາການດັດສ້າງ ແລະ ກໍ່ສ້າງສັງຄົມນິຍົມຕາມຕົວແບບ

ແຜນການ ລວມສູນອາດຍາສິດ, ບໍລິຫານເກືອກູນ ແລະ ດໍາເນີນການຫັນກະສິກໍາເປັນລະ

ບອບສະຫະກອນກະເສດຕາມແບບສະບັບຂອງໂຊວຽດ; ດ້ານການເມືອງ, ໄດ້ເນັ້ນເຖິງການ

ເພີ່ມທະວີຜະເດັດການກໍາມະຊີບ, ຖືເອົາການຕໍ່ສູ້ຊົນຊັ້ນໃນໄລຍະໃໝ່; ພ້ອມນັ້ນກໍ່ດໍາເນີນ

ການປະຕິວັດ 3 ປະການ: ການປະຕິວັດ ກ່ຽວກັບການພົວພັນການຜະລິດ, ການປະຕິວັດ

ທະຍາສາດ-ເຕັກນິກ ແລະ ການປະຕິວັດແນວຄິດ-ວັດທະນະທໍາໄປຄວບຄູ່ກັນ.

 

ໃນສະພາບແວດລ້ອມທີ່ປະເທດຊາດຫາກໍ່ຜ່ານພົ້ນຈາກສົງຄາມ ທີ່ແກ່ຍາວເປັນເວລາຫຼາຍ

ສິບປີ,ເງື່ອນໄຂທຸກດ້ານຍັງຢູ່ໃນລະດັບຕໍ່າທີ່ສຸດ, ບໍ່ທັນມີປະຖົມປັດໄຈ ເພື່ອດໍາເນີນການ

ດັດສ້າງ ແລະ ກໍ່ສ້າງສັງຄົມນິຍົມໂດຍກົງເທື່ອນັ້ນ, ການປະຕິບັດແນວທາງທີ່ກອງປະຊຸມ

ໃຫຍ່ ຄັ້ງທີ III ຂອງພັກວາງອອກ ຈຶ່ງບໍ່ບັນລຸຕາມຄາດໝາຍທີ່ວາງໄວ້. ຍິ່ງໄປກວ່ານັ້ນ,

ຍັງເຮັດໃຫ້ການຜະລິດຖົດຖອຍ, ຊີວິດການເປັນຢູ່ຂອງພະນັກງານ, ທະຫານ, ຕໍາຫຼວດ

ແລະ ປະຊາຊົນປະສົບກັບຄວາມຫຍຸ້ງຍາກທີ່ສຸດ. ຈາກສະພາບຕົວຈິງທີ່ກ່າວມານັ້ນ, ພັກ

ເຮົາໄດ້ກ້າເບິ່ງຄວາມຈິງ, ເຫັນໄດ້ຄວາມຜິດພາດ ແລະ ຂໍ້ຂາດຕົກບົກຜ່ອງອັດຕະວິໄສ,

ອາລົມຈິດນິຍົມ, ຮ້ອນຮົນຟ້າວຟັ່ງ, ຢາກ “ຈູດເຜົາໄລຍະ” ເພື່ອກ້າວຂຶ້ນສັງຄົມນິຍົມໂດຍ

ໄວໃນການປະຕິບັດວຽກງານຕົວຈິງໃນໄລຍະທີ່ຜ່ານມາ ແລະ ຈາກນັ້ນໄດ້ກ້າຫານປັບ

ປ່ຽນທັດສະນະຄະຕິອັນມີລັກສະນະພື້ນຖານ ດ້ວຍການດໍາເນີນການປ່ຽນແປງໃໝ່ຢ່າງ

ຮອບດ້ານ.

 

ບົນພື້ນຖານຈິນຕະນາການໃໝ່, ຄວາມຮັບຮູ້ໃໝ່ ກ່ຽວກັບສັງຄົມນິຍົມ ແລະ ເສັ້ນທາງກ້າວ

ຂຶ້ນສັງຄົມນິິຍົມຢູ່ປະເທດເຮົາ, ກອງປະຊຸມໃຫຍ່ ຄັ້ງທີ IV. ຂອງພັກ (1986) ໄດ້ຕີລາຄາ

ຢ່າງພາວະວິໄສ ກ່ຽວກັບ ສະພາບຄວາມເປັນຈິງທາງດ້ານເສດຖະກິດ-ສັງຄົມ ຂອງປະເທດ

ເຮົາ ແລະ ໄດ້ວາງແນວທາງປ່ຽນແປງ ໃໝ່ອອກຢ່າງມີລັກສະນະເປັນລະບົບຮອບດ້ານ.

ການປ່ຽນແປງໃໝ່ໄດ້ດໍາເນີນເປັນແຕ່ລະກ້າວ ​ເນັ້ນເຖິງການປ່ຽນແປງໃໝ່ທາງດ້ານເສດ

ຖະກິດ, ປ່ຽນແປງໃໝ່ລະບົບການເມືອງ ແລະ ແບບແຜນນໍາພາຂອງພັກ.

ສືບຕໍ່ຜັນຂະຫຍາຍແນວທາງປ່ຽນແປງໃໝ່, ກອງປະຊຸມຄະນະບໍລິຫານງານສູນກາງພັກ

ຄັ້ງທີ 7 ສະໄໝທີ IV (ກຸມພາ 1989) ໄດ້ກໍານົດວ່າ: ການປະຕິວັດຂອງປະເທດເຮົາໃນ

ໄລຍະໃໝ່ ແມ່ນໄລຍະແຫ່ງການສືບຕໍ່ສ້າງ ແລະ ຂະຫຍາຍລະບອບປະຊາທິປະໄຕປະ

ຊາຊົນ. ຕໍ່ມາໃນກອງປະຊຸມຄະນະບໍລິຫານງານສູນກາງພັກ ຄັ້ງທີ 10 ສະໄໝທີ IV (ມັງ

ກອນ 1991), ປະທານ ໄກສອນ ພົມວິຫານ ໄດ້ອະທິບາຍ ກ່ຽວກັບ ເຫດຜົນຂອງການ

ປ່ຽນແປງດັ່ງກ່າວ, ຍົກໃຫ້ຢ່າງຈະແຈ້ງ ກ່ຽວກັບ ສາຍພົວພັນລະຫວ່າງ ລະບອບປະຊາທິ

ປະໄຕ ປະຊາຊົນກັບສັງຄົມນິຍົມ ກໍຄືເນື້ອໃນເສດຖະກິດ, ການເມືອງ ແລະ ວັດທະນະທໍາ

-ສັງຄົມ ຂອງລະບອບປະຊາທິປະໄຕ ປະຊາຊົນຢູ່ປະເທດເຮົາ. ຕໍ່ນັ້ນມາກອງປະຊຸມໃຫຍ່

ຄັ້ງທີ V, ພັກເຮົາໄດ້ສືບຕໍ່ຢືນຢັນ ແລະ ປະກາດເປັນທາງການວ່າ: ປັດຈຸບັນນີ້ ພວກເຮົາ

“ພວມຢູ່ໃນໄລຍະແຫ່ງການສືບຕໍ່ສ້າງ ແລະ ຂະຫຍາຍລະບອບປະຊາທິປະໄຕ ປະຊາຊົນ,

ສ້າງປະຖົມປັດກໄຈກ້າວຂຶ້ນສັງຄົມນິຍົມເທື່ອລະກ້າວ”.

 

ບັນຫາຕັ້ງຂຶ້ນມີຢູ່ວ່າ ເປັນຫຍັງໃນຂະນະທີ່ປະເທດຕ່າງໆ ບໍ່ເວົ້າເຖິງລະບອບປະຊາທິປະໄຕ

ປະຊາຊົນອີກແລ້ວ, ແຕ່ພັກເຮົານໍາພາໂດຍປະທານ ໄກສອນ ພົມວິຫານ ເວລານັ້ນຈຶ່ງວາງ

ແນວທາງສືບຕໍ່ສ້າງ ແລະ ຂະຫຍາຍລະບອບປະຊາທິປະໄຕ ປະຊາຊົນ? ອັນນີ້ເປັນບັນຫາ

ທີ່ມີຄວາມໝາຍສໍາຄັນຢ່າງຍິ່ງ ແລະ ກໍ່ເປັນສິ່ງພົວພັນເຖິງທິດສະດີ ແລະ ພຶດຕິກໍາແຫ່ງການ

ກໍານົດເສັ້ນທາງກ້າວຂຶ້ນຂອງປະເທດເຮົາ, ເຊິ່ງເລັ່ງທວງໃຫ້ມີການຄົ້ນຄວ້າ ແລະ ໃຫ້ຄໍາຕອບ

ຢ່າງວິທະຍາສາດ.

 

ການທີ່ພັກເຮົາໄດ້ປັບປ່ຽນແນວທາງ ພັດທະນາປະເທດຊາດ ຈາກການດັດສ້າງ ແລະ ກໍ່ສ້າງ

ສັງຄົມນິຍົມໂດຍກົງໃນຊຸມປີທໍາອິດມາເປັນການສືບຕໍ່ສ້າງ ແລະ ຂະຫຍາຍລະບອບປະຊາ

ທິປະໄຕ ປະຊາຊົນ, ສ້າງປະຖົມປັດໄຈກ້າວຂຶ້ນສູ່ສັງຄົມນິຍົມເທື່ອລະກ້າວນັ້ນ ມັນເປັນການ

ປັບປ່ຽນແນວທາງພັດທະນາປະເທດຊາດ ທີ່ມີລັກສະນະປະຕິວັດ ແລະ ວິທະຍາສາດ, ເປັນ

ການເລືອກເຟັ້ນເສັ້ນທາງແຫ່ງການພັດທະນາປະເທດຊາດ ທີ່ຖືກຕ້ອງ ສອດຄ່ອງທີ່ສຸດກັບ

ສະພາບ ແລະ ເງື່ອນໄຂຕົວຈິງຂອງປະເທດເຮົາ ແລະ ກໍ່ຍັງສະແດງເຖິງຄວາມກ້າຫານປະ

ດິດສ້າງຂອງພັກເຮົາໃນການໝູນໃຊ້ລັດທິມາກ-ເລນິນ ເຂົ້າໃນສະພາບຕົວຈິງຂອງປະເທດ

ຊາດ.

ພາຍໃຕ້ແສງສະຫວ່າງ ຂອງແນວທາງປ່ຽນແປງໃໝ່ ແຫ່ງການພັດທະນາປະເທດຊາດ ຕາມ

ແນວທາງສືບຕໍ່ສ້າງ ແລະ ຂະຫຍາຍລະບອບປະຊາທິປະໄຕ ປະຊາຊົນ, ປະເທດເຮົາໄດ້ມີ

ການຂະຫຍາຍຕົວໃນດ້ານ: ເສດຖະກິດມີການເຕີບໂຕຕໍ່ເນື່ອງດ້ວຍຈັງຫວະສະເລ່ຍ 7%/ປີ,

ລາຍໄດ້ສະເລ່ຍຫົວຄົນບັນລຸ 1.069 USD/ຄົນ ໃນປີ 2010; ລະບົບການເມືອງປະຊາທິ

ປະໄຕ ປະຊາຊົນ ແຕ່ສູນກາງລົງເຖິງທ້ອງຖິ່ນ ແລະ ຮາກຖານໄດ້ຮັບການປັບປຸງມີຄວາມ

ໜັກແໜ້ນເຂັ້ມແຂງ; ສັງຄົມມີການພັດທະນາ, ການສຶກສາ, ສາທາລະນະສຸກ, ແຮງງານ ແລະ

ສະຫວັດດີການສັງຄົມຂະຫຍາຍຕົວດີຂຶ້ນເປັນກ້າວໆ; ວັດທະນະທໍາອັນດີງາມທີ່ເປັນມູນ

ເຊື້ອຂອງຊາດ ແລະ ຂອງເຜົ່າຕ່າງໆ ໄດ້ຮັບການອານຸລັກຮັກສາ ແລະ ເສີມຂະຫຍາຍ; ຊີວິດ

ດ້ານວັດຖຸ ແລະ ວັດທະນະທໍາຂອງປະຊາຊົນເຮົາໄດ້ຮັບການປົວແປງດີຂຶ້ນ; ປະເທດເຮົາ

ເປັນປະເທດໜຶ່ງ ທີ່ມີຄວາມສະຫງົບທາງການເມືອງ, ມີຄວາມເປັນລະບຽບຮຽບຮ້ອຍ, ມີ

ຄວາມປອດໄພທາງສັງຄົມແລະເປັນທີ່ສົນໃຈຂອງນັກລົງທຶນ ກໍຄືນັກທ່ອງທ່ຽວຕ່າງປະເທດ

 

ຢ່າງໃດກໍ່ດີ, ຜ່່ານພຶດຕິກໍາມາເປັນເວລາຫຼາຍສິບປີນັ້ນ, ເຖິງວ່າຜົນສໍາເລັດຈະບັນລຸໄດ້ຫຼາຍ

ປະການ, ແຕ່ຈຸດອ່ອນ ແລະ ຂໍ້ຈໍາກັດຄົງຄ້າງທີ່ຕ້ອງປັບປຸງແກ້ໄຂກໍ່ຍັງມີບໍ່ໜ້ອຍ ເປັນຕົ້ນ

ບໍ່ທັນໄດ້ສະຫຼຸບດ້ານພຶດຕິກໍາບັນຫາທິດສະດີ ທີ່ພົວພັນກັບການສ້າງລະບອບປະຊາທິປະ

ໄຕ ປະຊາຊົນ ທີ່ເປັນເອກະລັກຂອງລາວເຮົາຢ່າງເລິກເຊິ່ງ. ສະນັ້ນ, ມີຄວາມຈໍາເປັນຕ້ອງ

ຄົ້ນຄວ້າບັນຫາທິດສະດີກໍຄື ພຶດຕິກໍາ ກ່ຽວກັບ ການສ້າງ ແລະ ຂະຫຍາຍລະບອບປະຊາ

ທິປະໄຕ ປະຊາຊົນຢູ່ປະເທດເຮົາຢ່າງເລິກເຊິ່ງ ເພື່ອຕອບແກ້ບັນຫາຕ່າງໆທາງດ້ານທິດ

ສະດີ ແລະ ພຶດຕິກໍາແຫ່ງການສ້າງສາພັດທະນາປະເທດຊາດຕາມເງື່ອນໄຂໃໝ່.

 

ໂດຍແນໃສ່ຕອບສະໜອງຄວາມຮຽກຮ້ອງຕ້ອງການດັ່ງກ່າວນັ້ນ, ສະຖາບັນວິທະຍາສາດ

ສັງຄົມແຫ່ງຊາດ ໄດ້ມອບໜ້າທີ່ໃຫ້ສະຖາບັນຄົ້ນຄວ້າການເມືອງວິທະຍາ ສົມທົບກັບສະ

ຖາບັນປັດຊະຍາຂອງສະຖາບັນວິທະຍາສາດສັງຄົມຫວຽດນາມ ດໍາເນີນໂຄງການຄົ້ນຄວ້າ

ພາຍໃຕ້ຫົວເລື່ອງ “ການສືບຕໍ່ສ້າງ ແລະ ຂະຫຍາຍລະບອບປະຊາທິປະໄຕ ປະຊາຊົນ,

ສ້າງປະຖົມປັດໄຈກ້າວຂຶ້ນສັງຄົມນິຍົມເທື່ອລະກ້າວຢູ່ປະເທດເຮົາ”. ໂຄງການນີ້ເປັນໂຄງ

ການຄົ້ນຄວ້າທິດສະດີການເມືອງລະດັບຊາດ ຊຶ່ງດໍາເນີນເປັນເວລາ 4 ປີ (2008-2011).

ດ້ວຍຄວາມພະຍາຍາມຢ່າງສູງ ຂອງທັງສອງສະຖາບັນຄົ້ນຄວ້າທີ່ກ່າວມາຂ້າງເທິງນັ້ນ,

ໂຄງການຄົ້ນຄວ້ານີ້ໄດ້ສໍາເລັດຕາມຄາດໝາຍທີ່ວາງໄວ້.

 

ເນື້ອໃນຕົ້ນຕໍຂອງໂຄງການຄົ້ນຄວ້ານີ້ປະກອບດ້ວຍ 3 ພາກດັ່ງນີ້:

ພາກທີໜຶ່ງ: ພື້ນຖານທິດສະດີ ແລະ ພຶດຕິກໍາຂອງການສ້າງລະບອບປະຊາທິປະ

ໄຕປະຊາຊົນຢູ່ປະເທດເຮົາ. ໃນນີ້ ໄດ້ເວົ້າເຖິງຂໍ້ຄິດຕ່າງໆ ທີ່ເປັນການເຈາະຈີ້ມຂອງ

ບັນດານັກທິດສະດີເດີມຂອງລັດທິມາກ-ເລນິນ ກ່ຽວກັບ ການປະຕິວັດປະຊາທິປະໄຕນາຍ

ທຶນແບບໃໝ່ ແລະ ການຫັນການປະຕິວັດປະຊາທິປະໄຕ ນາຍທຶນແບບໃໝ່ ແລະ ການ

ຫັນການປະຕິວັດປະຊາທິປະໄຕນາຍທຶນແບບໃໝ່ ໄປສູ່ການປະຕິວັດສັງຄົມນິຍົມ; ຍົກ

ໃຫ້ເຫັນພື້ນຖານດ້ານພຶດຕິກໍາຂອງ ການສ້າງລະບອບປະຊາທິປະໄຕ ປະຊາຊົນ ຢູ່ບັນ

ດາປະເທດເອີຣົບຕາເວັນອອກ, ຢູ່ ສປ ຈີນ ແລະ ສສ ຫວຽດນາມ; ຍົກໃຫ້ເຫັນແນວຄິດ

ຂອງປະທານ ໂຮ່ຈີມິນ ແລະ ແນວຄິດຂອງປະທານໄກສອນ ພົມວິຫານ ກ່ຽວກັບ ລະ

ບອບປະຊາທິປະໄຕປະຊາຊົນ.

 

ພາກທີສອງ: ຂະບວນວິວັດແຫ່ງການສ້າງ ແລະ ຂະຫຍາຍລະບອບປະຊາທິປະ

ໄຕ ປະຊາຊົນຢູ່ປະເທດເຮົາ. ໃນນີ້ໄດ້ຍົກໃຫ້ເຫັນເຖິງການສ້າງສາລະບອບປະຊາທິ

ປະໄຕ ປະຊາຊົນ ຢູ່ເຂດປົດປ່ອຍ-ການສ້າງເຂດປົດປ່ອຍເປັນຄືລັດໜຶ່ງ. ຜ່ານ 10 ປີ

(1965-1975) ແຫ່ງການສ້າງເຂດປົດປ່ອຍເປັນຄືລັດໜຶ່ງ ໄດ້ເຮັດໃຫ້ເຂດປົດປ່ອຍມີ

ຄວາມເຂັ້ມແຂງໃນທຸກດ້ານ, ເປັນແນວຫຼັງທີ່ແໜ້ນແກ່ນໃຫ້ແກ່ການປະຕິວັດທົ່ວປະເທດ,

ເຮັດໃຫ້ການປະຕິວັດຊາດ-ປະຊາທິປະໄຕ ປະຊາຊົນ ຍາດໄດ້ໄຊຊະນະຢ່າງສົມບູນໃນ

ວັນທີ 2 ທັນວາ 1975; ເວົ້າເຖິງການປະຕິບັດແນວທາງດັດສ້າງ ແລະ ກໍ່ສ້າງສັງຄົມນິ

ຍົມໃນຊຸມປີທໍາອິດ (1976-1986), ໂດຍຊີ້ໃຫ້ເຫັນແຈ້ງເຖິງແນວຄິດອັດຕະວິໄສ, ອາ

ລົມຈິດນິຍົມ, ຮ້ອນຮົນຟ້າວຟັັ່ງຂອງພັກເຮົາ ທີ່ໄດ້ດໍາເນີນການດັດສ້າງ ແລະ ກໍ່ສ້າງສັງ

ຄົມນິຍົມ ໃນຂະນະທີ່ບໍ່ທັນມີເງື່ອນໄຂ ແລະ ບໍ່ທັນມີປະຖົມປັດໄຈພຽງພໍ; ໄດ້ເວົ້າເຖິງ

ຄວາມຈໍາເປັນທີ່ຕ້ອງດໍາເນີນພາລະກິດປ່ຽນແປງໃໝ່ ແລະ ຢືນຢັນຄວາມຖືກຕ້ອງສອດ

ຄ່ອງຂອງແນວທາງແຫ່ງການສືບຕໍ່ສ້າງ ແລະ ຂະຫຍາຍລະບອບປະຊາທິປະໄຕປະ

ຊາຊົນ; ສະຫຼຸບດ້ານພຶດຕິກໍາແຫ່ງການສ້າງ ແລະ ຂະຫຍາຍລະບອບປະຊາທິປະໄຕ

ປະຊາຊົນ ໃນຫຼາຍສິບປີທີ່ຜ່ານມາ ໂດຍສັງລວມໄດ້ 4 ບັນຫາທີ່ຕັ້ງຂຶ້ນ ແລະ ຖອດ

ໄດ້ 6 ບົດຮຽນທີ່ສໍາຄັນ.

 

ພາກທີສາມ: ບາງທິດທາງໃຫຍ່ໃນການສືບຕໍ່ສ້້າງ ແລະ ຂະຫຍາຍລະບອບປະ

ຊາທິປະໄຕປະຊາຊົນຢູ່ປະເທດເຮົາ ໃນໄລຍະຕໍ່ໜ້າ. ໃນນີ້ ໄດ້ຍົກໃຫ້ເຫັນຄວາມ

ຈໍາເປັນຕ້ອງປະຕິບັດ 6ທິດທາງໃຫຍ່ຄື: ດ້ານເສດຖະກິດ ຕ້ອງຂະຫຍາຍເສດຖະກິດ

ຕະຫຼາດຕາມທິດສັງຄົມນິຍົມ; ດ້ານການເມືອງ ຕ້ອງປັບປຸງ ແລະ ເພີ່ມທະວີລະບົບການ

ເມືອງປະຊາທິປະໄຕ ປະຊາຊົນ, ໃນນັ້ນ, ສ້າງລັດປະຊາທິປະໄຕປະຊາຊົນ ໃຫ້ເປັນລັດ

ແຫ່ງອໍານາດກົດໝາຍຂອງປະຊາຊົນ, ໂດຍປະຊາຊົນ ແລະ ເພື່ອປະຊາຊົນເທື່ອລະ

ກ້າວ; ດ້ານສັງຄົມ ຕ້ອງເສີມຂະຫຍາຍປະຊາທິປະໄຕ, ປະຕິບັດຄວາມສະເໝີພາບ,

ສາມັກຄີປອງດອງ, ຄວາມຍຸຕິທໍາໃນສັງຄົມ; ປົກປັກຮັກສາ ແລະ ເສີມຂະຫຍາຍມູນ

ເຊື້ອວັດທະນະທໍາອັນດີງາມຂອງຊາດ, ຂອງເຜົ່າຕ່າງໆ, ສົມທົບເອົາການຮັບເອົາວັດທະ

ນະທໍາອັນຍອດຍິ່ງຂອງມະນຸດ; ຖືສໍາຄັນການພັດທະນາຊັບພະຍາກອນມະນຸດ, ໃນນີ້

ສ້າງໃຫ້ໄດຖັນແຖວນັກທຸລະກິດ, ນັກບໍລິຫານ ແລະ ຖັນແຖວປັນຍາຊົນທີ່ມີຄຸນນະ

ພາບສູງ, ມີແຕ່ສ້າງໄດ້ສາມປະເພດຊັບພະຍາກອນມະນຸດທີ່ກ່າວມານັ້ນ ຈຶ່ງຈະເຮັດ

ໃຫ້ການພັດທະນາປະເທດຊາດບັນລຸເປົ້າໝາຍທີ່ວາງໄວ້; ເອົາໃຈໃສ່ຮັກສາຄວາມສະ

ຫງົບທາງການເມືອງ, ຄວາມເປັນລະບຽບຮຽບຮ້ອຍ ແລະ ຄວາມປອດໄພທາງສັງຄົມ,

ສ້າງສະພາບແວດລ້ອມທີ່ອໍານວຍໃຫ້ແກ່ການພັດທະນາ ເພື່ອສ້າງ ແລະ ຂະຫຍາຍ

ລະບອບປະຊາທິປະໄປະຊາຊົນ, ສ້າງປະຖົມປັດໄຈກ້າວຂຶ້ນສັງຄົມນິຍົມເທື່ອລະກ້າວ

ສໍາເລັດຜົນ.

 

ເນື່ອງຈາກມີຂໍ້ຈໍາກັດໃນຫຼາຍປະການເປັນຕົ້ນ: ຖັນແຖວພະນັກງານວິຊາການຂອງ

ຝ່າຍລາວເຮົາທີ່ເຂົ້າຮ່ວມດໍາເນີນໂຄງການຍັງອ່ອນນ້ອຍ, ຄວາມຮູ້, ຄວາມສາມາດ,

ບົດຮຽນ ແລະ ປະສົບການໃນການຄົ້ນຄວ້າວິທະຍາສາດຍັງຈໍາກັດ; ດ້ານເວລາ ແລະ

ງົບປະມານສໍາລັບການຄົ້ນຄວ້າ ກໍບໍ່ທັນພຽງພໍກັບຄວາມຮຽກຮ້ອງຕ້ອງການ. ສະນັ້ນ,

ຜົນສໍາເລັດຂອງໂຄງການຄົ້ນຄວ້ານີ້ ຈຶ່ງບໍ່ທັນສາມາດຕອບແກ້ໄດ້ໝົດທຸກບັນຫາທາງ

ດ້ານທິດສະດີ ກໍຄືພຶດຕິກໍາທີ່ພົວພັນກັບການສ້າງ ແລະ ຂະຫຍາຍລະບອບປະຊາທິ

ປະໄຕ ປະຊາຊົນຢູ່ປະເທດເຮົາຢ່າງຄົບຖ້ວນສົມບູນ. ຢ່າງໃດກໍດີ ຜົນສໍາເລັດຂອງໂຄງ

ການຄົ້ນຄວ້ານີ້ໄດ້ເຮັດໃຫ້ພື້ນຖານດ້ານທິດສະດີ ແລະ ພຶດຕິກໍາຂອງການສ້າງລະ

ບອບປະຊາທິປະໄຕ ປະຊາຊົນຢູ່ປະເທດເຮົາຈະແຈ້ງອອກ; ຍົກໃຫ້ເຫັນຜົນສໍາເລັດ

ແລະ ຂໍ້ຈໍາກັດບາງປະການໃນການສ້າງລະບອບປະຊາທິປະໄຕປະຊາຊົນ ຢູ່ປະເທດ

ເຮົາ ໃນໄລຍະຜ່ານມາ. ພ້ອມນັ້ນໄດ້ຊີ້ໃຫ້ເຫັນທິດທາງໃຫຍ່ບາງປະການ ໃນການສືບ

ຕໍ່ຂະຫຍາຍລະບອບປະຊາທິປະໄຕ ປະຊາຊົນຢູ່ປະເທດເຮົາໃນຕໍ່ໜ້າ.

 

ເພື່ອເຜີຍແຜ່ຜົນສໍາເລັດຂອງໂຄງການຄົ້ນຄວ້ານີ້ຢ່າງກວ້າງຂວາງ; ດ້ວຍຄວາມຫວັງ

ປະກອບສ່ວນສະໜອງຂໍ້ມູນດ້ານທິດສະດີວິທະຍາສາດ ຮັບໃຊ້ການສຶກສາຄົ້ນຄວ້າ

ແລະ ຮຽນຮູ້ ກ່ຽວກັບ ທິດສະດີ ແລະ ພຶດຕິກໍາແຫ່ງການສ້າງ ແລະ ຂະຫຍາຍລະບອບ

ປະຊາທິປະໄຕປະຊາຊົນ, ສ້າງປະຖົມປັດໄຈກ້າວຂຶ້ນສັງຄົມນິຍົມເທື່ອລະກ້າວຢູ່ປະ

ເທດເຮົາ, ສະຖາບັນວິທະຍາສາດສັງຄົມແຫ່ງຊາດໄດ້ເລືອກເຟັ້ນເນື້ອໃນສໍາຄັນຂອງ

ໂຄງການຄົ້ນຄວ້ານີ້ ຈັດພິມເປັນປຶ້ມອອກຈໍາໜ່າຍສູ່ສັງຄົມ.

 

ສາລະບານ

ຄໍານໍາ

ອາລໍາພະບົດ

ພາກທີ ໜຶ່ງ ພື້ນຖານທິດສະດີ ກ່ຽວກັບ ລະບອບ ປະຊາທິປະໄຕ ປະຊາຊົນລາວຢູ່ປະເທດເຮົາ

1.1. ບັນດາຂໍ້ຄິດຂອງນັກທິດສະດີເດີມ ກ່ຽວກັບ ບັນຫາລະບອບປະຊາທິປະໄຕ ປະຊາຊົນ ແລະ ການສ້າງລະບອບປະຊາທິປະໄຕ ປະຊາຊົນ ຢູ່ບາງປະເທດໃນທະວີບເອີລົບ ແລະ ຢູ່ ສປ ຈີນ

1.1.1. ບັນດາຂໍ້ຄິດຂອງນັກທິດສະດີເດີມ ກ່ຽວກັບ ບັນຫາລະບອບ ປະຊາທິປະໄຕ ປະຊາຊົນ

1.1.2. ກ່ຽວກັບ ລະບອບປະຊາທິປະໄຕ ປະຊາຊົນຢູ່ໃນປະເທດເອີີຣົບຈໍານວນໜຶ່ງ

1.1.3. ກ່ຽວກັບ ລະບອບປະຊາທິປະໄຕ ປະຊາຊົນຢູ່ ສປ ຈີນ​

1.2. ແນວຄິດໂຮ່ຈິມິງ ແລະ ທັດສະນະຂອງພັກກອມມູນິດຫວຽດນາມ ກ່ຽວກັບ ລະບອບປະຊາທິປະໄຕ ປະຊາຊົນ

1.2.1. ແນວຄິດ ໂຮ່ຈິມິງ ກ່ຽວກັບ ລະບອບປະຊາທິປະໄຕ ປະຊາຊົນ

1.2.2. ທັດສະນະຂອງພັກກອມມູນິດຫວຽດນາມ ທີ່ສະເໜີອອກໃນກອງປະຊຸມໃຫຍ່ ຄັ້ງທີ II ກ່ຽວກັບ ການປະກົດຕົວຂອງລະບອບປະຊາທິປະໄຕ ປະຊາຊົນ

1. ກ່ຽວກັບ ການປະກົດຕົວຂອງລະບອບປະຊາທິປະໄຕ ປະຊາຊົນ

2. ກ່ຽວກັບ ການປະຕິວັດຊາດປະຊາທິປະໄຕ ປະຊາຊົນ ຢູ່ຫວຽດນາມ

3. ກ່ຽວກັບ ລັກສະນະ ແລະ ຈຸດພິເສດຂອງການປະຕິວັດຊາດປະຊາທິປະໄຕ ປະຊາຊົນ ຢູ່ຫວຽດນາມ

4. ກ່ຽວກັບ ໄລຍະ ແລະ ເນື້ອໃນຂອງການປະຕິວັດຫວຽດນາມ

5. ລະບອບ ປະຊາທິປະໄຕ ປະຊາຊົນ ແມ່ນໄລຍະຂ້າມຜ່ານກ້າວຂຶ້ນສັງຄົມນິຍົມ

1.2.3. ບາງເນື້ອໃນຕົ້ນຕໍ ຂອງລະບອບປະຊາທິປະໄຕ ປະຊາຊົນ ຢູ່ຫວຽດນາມ

ກ. ປະຕິບັດປະຊາທິປະໄຕ ປະຊາຊົນ ດ້ານການເມືອງ

ຂ. ປະຕິບັດປະຊາທິປະໄຕ ປະຊາຊົນ ດ້ານເສດຖະກິດ

ຄ. ສ້າງວັດທະນະທໍາປະຊາທິປະໄຕ ປະຊາຊົນ

1.3. ແນວຄິດຂອງທ່ານປະທານ ໄກສອນ ພົມວິຫານ ກ່ຽວກັບລະບອປະຊາທິປະໄຕ

ປະຊາຊົນ ຢູ່ປະເທດເຮົາ

ພາກທີ ສອງ ຂະບວນວິິວັດແຫ່ງການກໍາເນີດ ແລະ ການຂະຫຍາຍຕົວຂອງລະບອບ

ປະຊາທິປະໄຕ ປະຊາຊົນ ຢູ່ປະເທດເຮົາ

2.1. ເງື່ອນໄຂດ້ານທໍາມະຊາດ, ວັດທະນະທໍາ ແລະ ສັງຄົມ ຂອງການກໍາເນີດລະບອບປະຊາທິປະໄຕ ປະຊາຊົນ

2.1.1. ເງື່ອນໄຂດ້ານທໍາມະຊາດ, ວັດທະນະທໍາ ແລະ ສັງຄົມ

2.1.2. ສະພາບແວດລ້ອມ ການກໍາເນີດສາທາລະນະລັດ ປະຊາທິປະໄຕ

ປະຊາຊົນລາວ

2.2. ຂະບວນວິວັດແຫ່ງການສ້າງ ແລະ ຂະຫຍາຍລະບອບປະຊາທິປະໄຕ

ປະຊາຊົນ ຢູ່ປະເທດເຮົາ

2.2.1. ການສ້າງເຂດປົດປ່ອຍເປັນຄືລັດໜຶ່ງ ຮູບແບບລັັດ ປະຊາທິປະໄຕ

ປະຊາຊົນ

ກ. ດ້ານການເມືອງ

ຂ. ດ້ານການທະຫານ

ຄ. ດ້ານເສດຖະກິດ

ງ. ດ້ານວັດທະນະທໍາ-ສັງຄົມ

2.2.2. ການພັດທະນາປະເທດຊາດ ພາຍຫຼັງສະຖາປະນາ ສາທາລະນະລັດ

ປະຊາທິປະໄຕ ປະຊາຊົນລາວ ຮອດໄລຍະກ່ອນການດໍາເນີນປ່ຽນແປງໃໝ່

(1986)

ກ. ສະພາບແວດລ້ອມພາວະວິໄສ

ຂ. ເງື່ອນໄຂອັດຕະວິໄສ

2.3. ສືບຕໍ່ສ້າງ ແລະ ຂະຫຍາຍລະບອບປະຊາທິປະໄຕ ປະຊາຊົນ ຕາມແນວທາງ

ປ່ຽນແປງໃໝ່

2.3.1. ແນວທາງປ່ຽນແປງໃໝ່ຂອງພັກປະຊາຊົນ ປະຕິວັດລາວ

2.3.2. ຜົນສໍາເລັດ ແລະ ຂໍ້ຈໍາກັດບາງປະການຂອງພາລະກິດປ່ຽນແປງໃໝ່ ຢູ່

ປະເທດເຮົາໃນໄລຍະທີ່ຜ່ານມາ

2.3.2.1. ຜົນສໍາເລັດ ແລະ ຂໍ້ຈໍາກັດບາງປະການ ໃນການປ່ຽນແປງໃໝ່ດ້ານ

ເສດຖະກິດ

· ເນື້ອໃນພື້ນຖານຂອງການປ່ຽນແປງໃໝ່ດ້ານເສດຖະກິດ

· ຂໍ້ຈໍາກັດບາງປະການ

2.3.2.2. ຜົນສໍາເລັດ ແລະ ຂໍ້ຈໍາກັດບາງປະການ ໃນການປ່ຽນແປງໃໝ່ລະບົບ

ການເມືອງ

· ກ່ຽວກັບພັກ

· ກ່ຽວກັບລັດ

+ ສະພາແຫ່ງຊາດ

+ ລັດຖະບານ

+ ອົງການຕຸລາການ

· ກ່ຽວກັບບັນດາອົງການຈັດຕັ້ງສັງຄົມ

+ ແນວລາວສ້າງຊາດ

+ ສະຫະພັນກໍາມະບານ

+ ສະຫະພັນນັກຮົບເກົ່າ

+ ສະຫະພັນແມ່ຍິງ

+ ຄະນະຊາວໜຸ່ມປະຊາຊົນ ປະຕິວັດລາວ

· ຂໍ້ຈໍາກັດບາງປະການ

2.3.2.3. ຜົນສໍາເລັດ ແລະ ຂໍ້ຈໍາກັດບາງປະການຂອງການປ່ຽນແປງໃໝ່ດ້ານ

ວັດທະນະທໍາ-ສັງຄົມ

· ການສຶກສາ

· ວັດທະນະທໍາ

· ສື່ສານມວນຊົນ

· ສາທາລະນະສຸກ

· ແຮງງານ ແລະ ສະຫວັດດີການສັງຄົມ

· ຂໍ້ຈໍາກັດບາງປະການ

2.3.2.4. ຜົນສໍາເລັດ ແລະ ຂໍ້ຈໍາກັດບາງປະການ ໃນການປ່ຽນແປງໃໝ່

ດ້ານການພົວພັນຕ່າງປະເທດ

· ຂໍ້ຈໍາກັດບາງປະການ

2.4. ບາງບັນຫາຕັ້ງຂຶ້ນ ແລະ ບາງບົດຮຽນຕົ້ນຕໍທີ່ຖອດຖອນໄດ້

2.4.1. ບາງບັນຫາທີ່ຕັ້ງຂຶ້ນ

2.4.2. ບາງບົດຮຽນຕົ້ນຕໍທີ່ຖອດຖອນໄດ້

ພາກທີ ສາມ ບາງທິດທາງໃຫຍ່ໃນການສືບຕໍ່ຂະຫຍາຍລະບອບ ປະຊາທິປະໄຕ ປະຊາຊົນ ຢູ່ປະເທດເຮົາ

3.1. ດ້ານເສດຖະກິດ

3.2. ດ້ານການເມືອງ

3.3. ດ້ານສັງຄົມ

3.4. ດ້ານວັດທະນະທໍາ

3.5. ການພັດທະນາຊັບພະຍາກອນມະນຸດ

3.6. ການປ້ອງກັນຊາດ, ປ້ອງກັນຄວາມສະຫງົບ ແລະ ການຕ່າງປະເທດ

ພາກສະຫຼຸບ:

ເອກະສານຮັບໃຊ້ການຄົ້ນຄວ້າ